திருமணம் ஆன சில மாதங்களில் எல்லாமே சிறப்பாக தெரியும். இந்தக் காலகட்டத்தில், அனைத்து செயல்பாடுகளும் உங்களை வானில் பறக்க வைக்கும், உலகமே உங்களைச் சுற்றியே சுழலும். அதனால்தான் இதை தேன்நிலவு காலம் என்கிறார்கள். ஒவ்வொரு சந்திப்புக்கு முன்னரும் பல மணிநேரம் கண்ணாடியில் உங்களை அழகுப்படுத்திக் கொள்வீர்கள், பிரிந்திருக்கும் ஒவ்வொரு நிமிடமும் முழுமையற்றதாக இருக்கும். ஆனாலும் காலப்போக்கில், உங்களுடைய முன்னுரிமைகள் மாறிப்போகும். உங்களுக்கு இடையே காதல் இருந்தால், உங்கள் காதல் வாழ்க்கையில் எதுவும் தவறாகாது. இதோ, உங்களுடைய தேனிலவு காலக்கட்டத்தை இன்னும் சில காலம் நீடித்திருக்க செய்ய சில டிப்ஸ் தருகிறோம்.
1. உங்கள் உணர்வுகளை வெளிப்படையாக கூறுங்கள்:
உங்களை நீங்களே வெளிப்படுத்திக் கொள்வது மிக மிக முக்கியமானது. ஆனால், உண்மையான உணர்வுகளை வெளிப்படுத்துவது என்பது அனைவருக்கும் எளிதானதல்ல. ஆனால், உண்மையான உணர்வுகளை அறிந்து கொள்ள தொடங்கும் போதுதான், உங்கள் தேவைகளை உங்கள் பார்ட்னர் அறிந்து கொள்ள முடியும். அதேபோல, உங்கள் பார்ட்னர் உங்களுக்கு எந்த அளவுக்கு முக்கியமானவர் என்பதும் தெரிய வரும். நீங்கள், அவருடைய ஆடை மற்றும் அழகைப் பற்றி பாராட்டுவது அற்புதமான மாற்றங்களைச் செய்யும்.
2. டேட்டிங் செல்லுங்கள்:
ரிலேஷன்ஷிப்பின் ஆரம்ப நாட்களில் அடிக்கடி சந்திப்புகள், வெவ்வேறு இடங்களுக்கு செல்லுதல் மற்றும் பல விஷயங்கள் இருக்கும். ஆனால் ஒருவரையொருவர் நன்கு அறிந்து கொள்ள தொடங்கிய பிறகு, தினசரி வாழ்க்கையில் மூழ்கிப்போய், டேட்டிங் செல்வதில் கவனம் செலுத்துவதைக் குறைத்து கொள்வீர்கள். உங்களுடைய துணையுடன் அதிக நேரம் செலவழிப்பதற்கான யோசனைகளைத் திட்டமிடுவதன் மூலம் காதலை மங்காமல் காத்திடுங்கள். திரைப்படங்களுக்கு செல்லுங்கள், கடற்கரையில் கைகளைக் கோர்த்து நடங்கள், ஓய்வு நாளில் இருவரும் பேசிக்கொண்டே…..இருங்கள். இதுபோன்ற எளிமையான அழகான செய்கைகள், உங்கள் காதலை இன்னும் இன்னும் அதிகரிக்க உதவும்.
3. அடிக்கடி அணைத்துக் கொள்ளுங்கள்:
ஒரு ரிலேஷன்ஷிப்பின் சிறந்த விஷயமே, உங்கள் துணையைக் கட்டிப்பிடிப்பதுதான் அல்லவா? அதிகம் பேசாமலே உங்கள் காதலை வெளிப்படுத்துவதற்கான வழி இதுதான். நன்றாகப் பேச தெரியாதவர்களுக்கு இது சிறந்த உதவியாக இருக்கும்! வெளி இடங்களில் இருக்கும்போது, வெளிப்படையாக அன்பைக் காட்டும்படி தொடுவது, நீண்ட கால உறவுகளை உருவாக்குவதற்கு மிகவும் உதவும்.
4. அழகுப்படுத்திக் கொள்ளுங்கள்:
உங்கள் இயல்பான அழகுடன் இருப்பது சவுகரியமானதாக இருக்கலாம். ஆனால் தொடர்ந்து அழகுப்படுத்திக் கொண்டு இருப்பதும், உங்களைப் பராமரித்துக் கொள்வதும் மிகவும் முக்கியமானதாகும். இது உங்கள் உறவுக்கு உதவுவதோடு, உங்களுடைய நம்பிக்கையையும் அதிகரிக்கும். சலூனுக்கு சென்று வாருங்கள், விரும்பிய ஹேர்கட் செய்து கொள்ளுங்கள், மசாஜ் செய்து கொள்ளுங்கள், இறுதியில், நீங்கள் அமைதியாக, ரிலாக்ஸாக இருக்கும்போதுதான், உங்கள் ரிலேஷன்ஷிப்பும் நன்றாக இருக்கும்.
5. ஒருவருக்கொருவர் ஆதரவாக இருங்கள்:
ஒரு ரிலேஷன்ஷிப் இரண்டு பேரை ஒன்றாக கொண்டு வருகிறது, பார்ட்னர்களின் நல்லது, கெட்டது மற்றும் மிகச்சிறப்பானது என்று அனைத்தையும் பகிர்ந்து கொள்ள வேண்டும்.இந்தச் சமநிலையைப் பராமரிப்பது மற்றும் ஒருவருக்கொருவர் ஆதரவாக இருப்பதும் மிகவும் அவசியம். உங்கள் துணையை அவர்களுடைய தொழில் வாழ்க்கையில் மேம்படுத்திக் கொள்ள உந்துதலாக இருங்கள், சரியான முடிவுகளை எடுக்க ஊக்குவித்திடுங்கள். அவர்களுடைய சிக்கல்களைக் கூறும்போது காது கொடுத்து கேளுங்கள். அவர்களுடைய சாதனைகள் எவ்வளவு சிறிதாக, பெரிதாக, முக்கியமற்றதாக இருந்தாலும் பாராட்டுங்கள், எல்லாமே முக்கியமானவைதான். இதுபோன்ற சின்ன சின்ன விஷயங்கள், உங்கள் காதலை மெருகூட்டுவதற்கு மிகப்பெரிய அளவில் உதவும் என்பதை மறக்காதீர்கள். இந்த ஐந்த வழிகளைப் பின்பற்றினால், தேனிலவுக்குப் பின்பு உங்கள் உறவு நீடித்த வண்ணம் இருக்கும்.
– எம்.பவளக்கொடி